而打淥滷汁拌粉 (新都城中心二期) (裝修中)

近日去將軍澳探朋友時，見到開左間台式食品店，裝潢滿滿台灣風，忍唔住入去叫個外賣，拎上朋友家度一齊食，順便一齊去懷念一下昔日結伴遊台的美好時光，唉。💋台風定食(蘿蔔金錢肚拌粿條，苿香柚茶)，我初初都唔知咩叫粿條，經店員細心地解釋就知道原來粿條的製作原料和方法與河粉相似，都係用米漿製成。而佢的口感爽口同純粹，所以配埋鹵水汁一齊食，勁入味，加上佢個金錢肚份量唔少，食落勁軟滑多汁，配埋苿香柚茶，飲落酸酸甜甜咁，幾好飲。💋台風定食(四寶拌麵，蘋果梳打)，呢個四寶中係有蘿蔔，紅腸，雞翼，同埋雞腎，材料種類勁豐富，而且佢配埋餐前小菜，感覺更扺，首先講下個蘿蔔，食落香甜而且爽口，佢D鹵水汁完全能夠進入蘿蔔的體內，勁入味囉！佢D配料全部都好入味，連紅腸都係咁入味，實在太過份了！佢D雞腎好大隻，而且幾爽口，最正係D麵索滿鹵水汁，勁入味，份量又好多。-Total: 150推介指數：8/10-———————————————🔺 而打淥滷汁拌粉🔺 將軍澳欣景路8號新都城二期1樓1018號舖-----------------------