老媽拌麵 (荃灣廣場) (已結業)

今晚收左工去左荃灣行下街, 行到咁上下又係搵野食嘅時間, 見到E間老媽拌麵都幾多人食於是就入去試下☺️ 餐廳環境算大, 枱與枱之間又唔算好近, 所以坐得都幾舒服! 餐牌上都有幾多特色嘅撈麵同飯 而且d小食都幾吸引, 最後我地點左兩個小食, 兩個主菜🍜🍚同兩杯野飲🍹😊黑糖珍珠巧克力🍫用黑糖代替左傳統嘅糖漿, 味道幾特別, 不過小妹覺得有少少甜🙈冬瓜檸檬🍋冬瓜檸檬甜甜酸酸, 非常醒胃澎湖花枝丸🦑新鮮炸起嘅花枝丸十分香口, 口感非常彈牙, 沾埋個甜酸醬, 幾好味😋滷鴨舌🦆👅鴨舌質感軟滑彈牙, 味道唔錯, 不過如果可以再重口味d會更好🙈😊私房花雕雞拌麵🍶🐔🍜（幼麵）花雕味幾香, 雞件幾入味, 肉質嫩滑, 幼麵口感彈牙, 每一條麵條都吸哂d汁, 整體唔錯!☺️豆乳香香雞飯🐔🍚一上枱已經聞到好濃郁嘅豆乳味, 炸雞幾大件而且外脆內嫩, 咬落去亦幾juicy, 味道唔錯!總結: 食物味道整體不錯, 環境舒服, 店員服務態度良好而且價錢都唔貴!