喵一下 (已搬遷) 新店位置

星期日黎到中環元創坊行，一早就book定左一間台灣野，環境都好靚好休閒，同朋友坐咗係出邊，叫咗個聖誕餐同埋台式火鍋麻辣火鍋湯底夠香，本身已經有蔬菜同埋雞肉係入邊，跟住我哋另外叫咗啲配料，台灣腸好多汁肉味重特別啲嘅有水連同血糕，香港就好少見跟住就到聖誕餐如果想食一定要早預訂，價錢就係平安夜之前都做緊特價，係249原價呢就299嘅。前菜係醃過嘅車厘茄冬瓜秋葵，清新跟住有滷肉飯，夠入味而且肉粒亦都偏大。炒龍鬚菜好好食撈埋隻生蛋跟住有烏龍茶燻雞，就咁睇就好似好普通但係食落去就知唔簡單，燻香味十足最鍾意食就係佢嘅炒山蘇菜，平時台灣旅行都最係最鍾意食呢個菜，非常之清新又夠爽口，估唔到而家喺香港都可以回味返最後叫咗杯人蔘茶，入邊好多配料，冬天飲夠晒滋補