阿木台灣生活百貨 (已結業)

Lunchtime陪同事去咗旺角一間賣台灣雜貨嘅店舖，一場嚟到，我都用消費券買咗幾樣嘢食回家品嚐，原來店舖除了現貨發售之外，仲有得預購。珍珠奶茶蛋糕圖中只係切了1/3出嚟食，蛋糕鬆軟，入面仲加入粉圓，食落煙煙韌韌，加埋一齊就似飲緊杯珍珠奶茶咁，過足口癮 阿木三星蔥豬肉水餃餃子一啖一口嘅設計，蔥嘅味道突出，有點似平時食緊小龍包入面既內餡 民雄蛋黃肉包肉包子入面有鹹蛋黃，豬肉，竹筍及香菇，好有層次感 黑糖麻糬包包夠軟熟，中間餡料似麻糬，煙煙韌韌，仲有圓肉，唔會好甜，啱鍾意食麻糬嘅朋友 醉雞腿雞腿大大隻，無需翻熱，解凍切片即可食，重點係無骨嘅，隨時拎嚟加餸都得，夠曬方便，啖啖肉，有酒香味