六両三.台灣食堂 (已結業)

觀塘實在係食飯既競爭地，隨便行都一定會有得食，不過有時會中伏呀。好在今晚呢餐一啲都唔伏，仲食得好開心😀同朋友黎左六両三食台式菜，佢地有一人火鍋同其他台灣食物，我地就揀左二人餐同埋小食喇🤩🤩🤩涼拌小黃瓜🥒開胃小食😀之選，酸酸甜甜，好爽口！鹽酥雞雞較為乾身，炸粉厚度適中，味道一般，唔算惹味。牛筋牛肋條麵牛筋同牛肋條好出色，好腍身，超容易咬開，湯底唔算惹味，走健康路線，清淡少少，麵身爽滑，厚度適中。蕃茄湯花枝蝦扒麵湯底味道不咸不淡，茄味頗出及新鮮，唔似味精湯底，湯麵🍜軟硬度適中，最出色驚為天人係個花枝蝦扒，炸得剛好，熱辣辣，咬開有分明既花枝丸粒及蝦粒，非常好食，味道係靠呢兩款肉既鮮味，所以真係好正。必試炸澳洲和牛牛筋丸呢個係特別額外點，賣相雖然一般般，不過咬開真係不得了，牛肉汁四溢，熱辣辣，味道鮮甜好味呢！必試！仙草奶茶兩個餐配埋兩杯飲品！正呀！