影片
更多
2019-07-20
605 瀏覽
成日食快餐食到悶悶地，今晚去試新野。見到呢間以台灣地區九份·十分做店名，勾起而我之前去台北時喺九份食食食同喺十分放天燈既回憶。餐廳環境走平民路線，沒有特別加添台灣元素既裝修，但勝在夠光猛寛敞，坐得幾舒服，重點係食物質素高。近排台式手搖飲品無論喺香港定日本都火紅到不得了，而飲品喺呢間餐廳都佔左好高地位，淨係飲品選擇，都佔左餐牌3-4頁，有果茶、沙冰、黑糖、珍珠……大部份仲可以揀甜度同冰量，拍得住出面既手搖飲品專門店，而且出黎既味道同賣相都唔差，我地每人叫左一杯，餐廳原本提供嗰杯水原全冇飲過，哈 。食物選擇都好多，除左台灣特色野，仲有一般中式小菜，我地每樣叫啲﹕溫泉玉子牛油果凱撒沙律﹕沙律菜用一般生菜及紫椰菜，但都好新鮮爽口，加埋啲半熟蛋黃、牛油果同麵包粒撈埋一齊幾好食。黃金蝦﹕中size 既蝦，食落爽口彈牙，鹹蛋黃薄薄一層唔會太滯，啱啱好。帶子蒸豆腐﹕叫左咁多邪惡野，呢個清清地，豆腐似係百福，冇乜豆味，中規中距。培根雞蛋拉絲手抓餅 ﹕手抓餅+煙肉+蛋 本身就係絶配，我每次去台灣必食，呢度加埋啲酸酸地既沙律醬同芝士，好食，略嫌手抓餅太軟身唔夠酥脆。忌廉芝士磨菇雞翅﹕鹹鹹甜甜，味道幾夾，重點
餐廳環境走平民路線，沒有特別加添台灣元素既裝修，但勝在夠光猛寛敞，坐得幾舒服，重點係食物質素高。
近排台式手搖飲品無論喺香港定日本都火紅到不得了，而飲品喺呢間餐廳都佔左好高地位，淨係飲品選擇，都佔左餐牌3-4頁，有果茶、沙冰、黑糖、珍珠……大部份仲可以揀甜度同冰量，拍得住出面既手搖飲品專門店，而且出黎既味道同賣相都唔差，我地每人叫左一杯，餐廳原本提供嗰杯水原全冇飲過，哈 。
食物選擇都好多，除左台灣特色野，仲有一般中式小菜，我地每樣叫啲﹕
溫泉玉子牛油果凱撒沙律﹕沙律菜用一般生菜及紫椰菜，但都好新鮮爽口，加埋啲半熟蛋黃、牛油果同麵包粒撈埋一齊幾好食。
黃金蝦﹕中size 既蝦，食落爽口彈牙，鹹蛋黃薄薄一層唔會太滯，啱啱好。
帶子蒸豆腐﹕叫左咁多邪惡野，呢個清清地，豆腐似係百福，冇乜豆味，中規中距。
培根雞蛋拉絲手抓餅 ﹕手抓餅+煙肉+蛋 本身就係絶配，我每次去台灣必食，呢度加埋啲酸酸地既沙律醬同芝士，好食，略嫌手抓餅太軟身唔夠酥脆。
忌廉芝士磨菇雞翅﹕鹹鹹甜甜，味道幾夾，重點係起左骨，啖啖肉，正。
鹽酥雞﹕我覺得呢碟算係呢間店既招牌，完全有帶左我去台灣既感覺。粉漿唔厚，外面夠脆，雞肉夠juicy, 本身調味都唔錯，另外仲有多款調味粉比你加，有噱頭之餘又好味，個人推介梅子粉同海苔粉。
金銀蓉冬粉蒸勝瓜﹕即係粉絲蒸勝瓜，稍稍蒸過龍，勝瓜太軟兼出水。
台妹愛遇﹕喺香港好少地方有愛玉食，味道同我喺台灣食既差唔多，細細杯但配料都幾多。
雜果雪糕鬆餅﹕好足料，件鬆餅勁厚身，即叫即整，外脆內軟，擺盤仲好有心思。但少過4個人的話唔建議食呢個，如果唔係食完呢個唔洗食其他 。
總括黎講，台灣特式菜好味過啲中菜，中菜都唔係差，但啲台灣野出色啲。當掛住台灣美食又請唔到假飛去台灣食，呢間絶對可以暫時止到癮。其實，仲有好多野想食但未試，例如豬手，一定會回頭再食。
張貼
