度小月 (時代廣場) (已搬遷) 新店位置

今日去咗銅鑼灣度小月食飯，叫咗三杯雞，安格斯炒牛柳粒，啤酒煮蝦，櫻花蝦炒飯。三杯雞一鍋上嚟熱辣辣，香噴噴。雞嘅份量唔算多，調味偏甜，唔係太多酒味。整體味道一般。至於安格斯炒牛柳粒，牛柳粒嘅質地非常淋好似入口即溶咁，而且配上彩色椒一齊炒味道香噴噴，食完一粒又一粒，真係好開胃。至於啤酒煮蝦卻有啲失色，蝦唔算太新鮮，而且冇咩啤酒味，比較清淡。最後就係櫻花蝦炒飯，呢一個反而有驚喜。飯炒得粒粒分明，每粒都沾上蛋液，金金黃黃，色水好靚，而且夠鑊氣，櫻花蝦非常野味。大大推介呢碟炒飯。