等你 _ _ (已結業)

去開附近搵朋友，經過突然好想食台灣野，就入左黎，呢間野個名好特別😂😂吸引我入黎trytry!我地嗌左個三牛麵，係藥膳湯底。呢個湯底係有淡淡的藥膳味，同台灣的有小小唔同，多左d港人的口味。食落唔會太藥味，d牛好冧好味，d面軟硬適中！另外嗌左個香辣牛肉麵。佢個湯好惹味好香辣，一樣，佢d牛肉夠冧，食落有另一翻風味！同埋幾中意佢咁樣上d蔥，啱哂唔中意蔥的朋友，夠貼心！野飲就嗌左黑糖珍珠奶茶同埋碳燒烏龍珍珠奶茶。黑糖珍珠奶茶意外地無想像中咁甜，我都幾中意，不過因為天氣凍，所以我嗌左熱，暖爆！另外碳燒烏龍珍珠奶茶就同想像中一樣，唔係好甜，都幾特別。食完都飽飽，份量足，正！