老媽拌麵 (屯門市廣場1期) (已結業)

早幾晚係屯門市廣場廣場同fd 睇完戲唔知食咩好，個fd 提議食老媽拌麵， 咁我見我未食過佢又推介，就去左搵位座底食了。呢到感覺幾開揚個場座得舒適。原來呢到QR code 點餐都幾方便， 我們點了老成都擔擔麵（幼麵）和川味紅燒三寶牛肉麵（粗麵），我們特別叫兩款麵睇下邊款最吸引。擔擔麵選擇幼麵加底果然冇配錯，因佢拌麵關係幼麵痴滿豬肉碎粒入口味道小小爆香，麻油味好出，另外的雞蛋亦唔錯，。 而三寶麵材料超豐富有牛腱，牛筋，牛肚，紅白羅白， 三寶夠哂香滷水味又軟腍，呢到的粗麵超掛湯，粗麵沾滿辣湯份外惹味。飲品就分別加錢另叫，來得台店點可以唔飲台式飲品呢！ 所以叫左老媽黑糖珍珠巧克力和冬瓜檸檬加珍珠， 味道幾好唔會過甜，最喜歡珍珠煙煙韌韌的口感。