好媽媽台灣館 (已結業)

今日十一點左右 就嚟到呢間好媽媽台式飯店 去到已經有午餐賣 呢個時間嘅餐廳就冇乜人 只係得一枱客 價錢亦都比出面嘅餐廳平 只係三十幾至四十蚊 叫咗個好媽媽肉燥飯配鹽酥雞 鹽酥雞炸得好香好脆 肉燥飯有台灣本土風味 加上半隻流心蛋 簡直回味無窮 另外朋友仲嗌咗個咖哩豚肉飯 豚肉係用豬頸肉做 爽口但而且又唔油膩 再淋上咖哩汁 係日本咖哩汁比較甜口 叫咗個台灣奶茶同埋柑桔檸檬 好有台灣嘅味道 裝修似港式嘅茶餐廳 枱凳都比較擠迫 我哋食完嘅時候大約十二點零鐘 已經有好多中學生擁入嚟舖頭 全場爆滿啦 如果想舒舒服服咁食個午餐建議就早啲嚟啦