有間本舖 (已結業)

記得上年去台灣旅行既時候途徑一間古早味蛋糕專賣店，剛剛新鮮出爐，香味四溢，雖然疫情期間無得去旅行，唯有係香港尋覓下有無台灣古早味蛋糕，終於係旺角穩到呢間「有間本舖」，呢間古早味蛋糕專門店很高人氣，也是主打蛋糕每日新鮮出爐，分別售賣四種口味，原味，黃金芝士，蜂蜜蔓越莓和抹茶紅豆。原本最想嘗試既口味係抹茶紅豆，可惜已經一早賣光光，所以建議想試既朋友盡量朝早/下午去啦。今次我揀左原味和黃金芝士古早味蛋糕嚐嚐，由於蛋糕每天新鮮製作，如果一日內食唔曬，老闆建議把蛋糕放入雪櫃，盡量三天內食用。原味古早味蛋糕先介紹原味，長方形的古早味蛋糕面層燙山上店家logo圖案，當我切一件件蛋糕的時候，感受到蛋糕十分綿滑，蛋香味超濃厚，比一般雪芳蛋糕的口感更柔軟。黃金芝士古早味蛋糕而黃金芝士味版本，同樣是長方形，面層卻放上一粒粒芝士在上，豐富口感。由於我想芝士味更濃厚，所以我擺入微波爐叮10-20秒，令到芝士味更突出，味道鹹鹹香香，比起原味而言，又是別有一種風味。下次希望可以嚐到抹茶紅豆口味，同時想念下台灣的味道！