茶木‧台式休閒餐廳 (MegaBox) (已結業)

食台灣菜一定會諗起茶木，以前都係九龍灣德福食，最近先發現原來Ｍegabox 都有茶木，而且感覺大間舒服啲，晚市去都唔駛等位，座位舒服又多卡位，適合一家大細或者朋友聚餐。豬三寶拌麵 $70有豬大腸、腩肉、豬耳，腩肉大大塊，不過咁啱我果豌嘅腩肉都係肥豬肉☹️豬耳同豬大腸都係我最喜愛嘅小食，拌麵味香又濃郁，份量剛剛好，呢一豌麵滿足晒我三個願望🌟黑糖珍珠鮮奶瀑布 $43個人覺得少甜味道剛剛好，有啲似某動物堂嘅黑糖珍珠鮮奶，甜甜嘅鮮奶搭配奶蓋係最好配搭，珍珠亦都好爽口彈牙。芒果冰沙 $42可惜錯過咗愛文芒當造季節，不過呢杯芒果冰沙都唔錯，唔會凍到眉毛痛，而且食到甜甜嘅芒果味。