養心麵 (已結業)

Lunch去公司附近搵食，見到間新開的餐廳，台式車仔麵，試下先~
揀左美人湯底，就咁望落去個湯度，已經見到有好多桃膠，飲落清甜，滋補又有豐富骨膠原~
以綠豆做的台式寬粉條，好入味，好彈牙~



同事試左美人湯，配秘製咖喱，可惜咖喱味濃，掩蓋左美人湯底的清甜...
配由台灣直送的新竹米粉，但略嫌太硬...


配料亦都有好多選擇，試左豬腳、貢丸、蟹棒、萵筍同蘿蔔，蘿蔔好入味，好清甜


但價錢略貴，同埋服務不太理想，每張檯放有紙筆，好似傳統車仔麵咁俾顧客劃，但劃完後要求顧客自行到唯一一部的自助售賣機落單及付款

雖然自助落單機可以減輕服務生負擔，但並不是人人都懂得用落單機，所以如果只是短短一個鐘的食Lunch時間，要花比較長時間...