小倆口台式漢堡蛋餅專賣店 (已結業)

上網無意間睇到介紹一間食蛋餅既台式餐廳，睇完後已經覺得一定要去食。今日終於同女朋友去試一試。鋪頭黎講，小倆口都算幾細，所以要等位都正常，我地3點幾去到，大概都等左15分鐘。同埋入面大約得4,5張枱左右，所以坐落會有少少逼。我地點左一份粟米肉鬆蛋餅同一份香辣雞堡餐。黎到呢度，蛋餅一定係必試既。蛋餅既蛋味同肉鬆十分搭配，而且再加埋粟米，有多層口感。另外，蛋餅既皮一d都唔厚唔韌。最後，好重要 - 蛋餅一定要趁熱食，凍左味道會大打折扣。至於個香辣雞堡相比下較為遜色，不過不失，並不特別。薯角既份量亦都唔多，所以性價比唔高。總括黎講，中意食蛋餅既朋友可以去一戰。