更多
2022-04-21
1170 瀏覽
又喺疫情下嘅外賣系列，今次就過到嚟青衣城呢頭，自從青衣城嘅UA結業，已好一段時間無過嚟青衣城，今晚過開嚟，就順道買外賣返屋企食。穿過二期商場，見到呢家「而打淥」，除咗個名夠抵死之外，令我想番起多年前晌墾丁大街時所食嘅台式滷水嘢。 睇店面都知喺主打外賣，其實佢旁邊都有少少立食位架，不過，晚市禁堂食，就自然無開放。而廚房採半開放式，就咁都睇到師傅仔整食物。鋪面前嘅凍櫃，就擺放咗好多滷水嘢，以及多款台灣進口嘅包裝、罐裝飲品。其他位置，都帶有富台灣夜市特色嘅裝飾，例如大大個霓虹招牌，一串串嘅紙燈籠。講到食物選擇，明顯就喺主打地道民間嘅台式滷味，拎住個餐牌，一時間都幾花多眼亂，猶如港式車仔麵檔咁，不過，大致可以以標題分為台式加熱滷味、台式麻辣燙、鹽水雞台式涼拌、台式地道粉麵飯，以及一啲台式料理。因為見餐牌底下有啲優惠組合，而台式涼拌中嘅「Ｈ手撕雞拼盤」喺二人份，又配搭好多蔬菜，較啱老婆口味，就唔多諗決定揀佢，再追加冷麵。Ｈ手撕雞拼盤 $88、冷麵 $12拼盤包括咗一份涼拌手撕雞、一份玉米筍、一份花椰菜、兩份煙韌滷豆腐，整起嚟都有成一大盒，而講到明每盒附有少量蔥花、香菜（芫茜）、青瓜粒、白芝麻及蒜
睇店面都知喺主打外賣，其實佢旁邊都有少少立食位架，不過，晚市禁堂食，就自然無開放。而廚房採半開放式，就咁都睇到師傅仔整食物。
鋪面前嘅凍櫃，就擺放咗好多滷水嘢，以及多款台灣進口嘅包裝、罐裝飲品。
其他位置，都帶有富台灣夜市特色嘅裝飾，例如大大個霓虹招牌，一串串嘅紙燈籠。
講到食物選擇，明顯就喺主打地道民間嘅台式滷味，拎住個餐牌，一時間都幾花多眼亂，猶如港式車仔麵檔咁，不過，大致可以以標題分為台式加熱滷味、台式麻辣燙、鹽水雞台式涼拌、台式地道粉麵飯，以及一啲台式料理。
因為見餐牌底下有啲優惠組合，而台式涼拌中嘅「Ｈ手撕雞拼盤」喺二人份，又配搭好多蔬菜，較啱老婆口味，就唔多諗決定揀佢，再追加冷麵。
Ｈ手撕雞拼盤 $88、冷麵 $12拼盤包括咗一份涼拌手撕雞、一份玉米筍、一份花椰菜、兩份煙韌滷豆腐，整起嚟都有成一大盒，而講到明每盒附有少量蔥花、香菜（芫茜）、青瓜粒、白芝麻及蒜泥，如果唔啱食就記得落單時提出。
食手撕雞最好就喺食得乾手淨腳，而雞肉幾嫩滑，又加咗啲獨特嘅香料，有啲似孜然粉之類，頗為惹味。至於啲玉米筍同花椰菜（我都喺慣叫為椰菜花），做得非常爽脆，入口涼涼快快，雖然未喺盛夏，但近排天口熱，都幾啱呢個時候食；煙韌滷豆腐亦都好好食，煙韌有咬口，而且好有豆香。
涼拌冷麵份量亦好足，裡面同樣添加咗芫茜、青瓜粒、白芝麻及香料，食落味道豐富，而麵條嘅口感幾有韌勁，無煮過腍嘅弊病。
整體而言，確喺幾有地道風味，絕對唔喺「二打六」。雖然未能夠出外走走，但都有啲想念台灣嘅夜市，期待快啲可以走一轉。
張貼
