春風撞奶舖 (已結業)

今期都幾熱門既珍奶店，點少得呢間春風撞奶舖，應該都係第一間以撞奶為主題的台飲店，今日就同朋友去試試！我地叫左黑糖青蛙撞奶同芒果鮮奶，先講下佢既招牌黑糖青蛙撞奶，無一般黑糖珍奶咁甜，對我黎講甜度適中，入口喝到濃醇既牛奶， 珍珠口感軟Q有嚼勁，適當吾錯，可以一試！至於個芒果鮮奶，我朋友都好滿意，覺得幾特別，而且杯野整出黎都好靚，芒果醬都有掛杯效果。不過我就都係偏愛黑糖青蛙撞奶多d，略嫌芒果味道過重，甜度偏甜，適合愛甜之人！整體而言，間店既位置吾算方便，但飲品都幾有特色創意，珍珠入口相當Q彈，味道幾好，經過元朗既人不妨考慮一下！