影片
更多
2023-09-20
35 瀏覽
牛大人新作，主推一人新派台式火鍋，食物質量有保證，抵食有驚喜！店舖裝修好似入咗洞穴咁樣，吉祥物用咗復活島石像🗿，好搞笑，有平時打邊爐嘅卡位，仲有吧枱位置，就算一個人去食都唔會尷尬🙈！佢個火鍋都係自選配搭，先揀咗個主餐，有牛類同海鮮呢啲可以揀，再揀鍋底，仲可以用優惠價追加台式小食同飲品，套餐已經包咗主食🍚（寬粉/白飯/新竹米粉）同甜品！出面仲有個自助蔬菜區🥬同醬料區，蔬菜款式有十款，全部都好新鮮，任拎任食，為返人均百幾，已經有個好豐富嘅火鍋嘆到，仲要一定夠飽！🔖而家只要follow同like佢哋嘅社交平台，仲可以用優惠價$7加配台式手搖飲品！------------------------------🦐◖爆炒櫻花蝦鮮鍋 - 綜合海鮮拼盤◗ $160佢有啲爆炒石頭鍋，店員會嚟到你面前，放咗啲櫻花蝦呢啲料入去爆炒咗先，再加入湯頭，令到個鍋底更加香！跟配嘅海鮮拼盤都幾抵，乜都有啲，有鯛魚片、海蝦、魷魚同沙白，全部海鮮都好新鮮高質，煮完乜都唔使點已經好鮮甜！🥩◖夜市養生排骨鍋 - SRF極黑牛前肩肉◗ $188養生排骨鍋加入咗杞子同一字排骨，有少少當歸嘅味道，個湯底已經好香好正，個一字排骨肉
佢個火鍋都係自選配搭，先揀咗個主餐，有牛類同海鮮呢啲可以揀，再揀鍋底，仲可以用優惠價追加台式小食同飲品，套餐已經包咗主食🍚（寬粉/白飯/新竹米粉）同甜品！出面仲有個自助蔬菜區🥬同醬料區，蔬菜款式有十款，全部都好新鮮，任拎任食，為返人均百幾，已經有個好豐富嘅火鍋嘆到，仲要一定夠飽！
🔖而家只要follow同like佢哋嘅社交平台，仲可以用優惠價$7加配台式手搖飲品！
------------------------------
🦐◖爆炒櫻花蝦鮮鍋 - 綜合海鮮拼盤◗ $160
佢有啲爆炒石頭鍋，店員會嚟到你面前，放咗啲櫻花蝦呢啲料入去爆炒咗先，再加入湯頭，令到個鍋底更加香！跟配嘅海鮮拼盤都幾抵，乜都有啲，有鯛魚片、海蝦、魷魚同沙白，全部海鮮都好新鮮高質，煮完乜都唔使點已經好鮮甜！
🥩◖夜市養生排骨鍋 - SRF極黑牛前肩肉◗ $188
養生排骨鍋加入咗杞子同一字排骨，有少少當歸嘅味道，個湯底已經好香好正，個一字排骨肉同骨嘅比例啱啱好，有肉味唔會柴！揀咗跟配嘅牛肉有七大片，脂肪比例啱啱好，牛肉味濃郁，好大塊好厚，大大啖咁食超滿足！
🐓◖懷念鹽酥雞◗ $22
加配嘅鹽酥雞都做得幾出色，好酥脆好香，超級惹味！
🐂◖辣味涼拌牛腸◗ $28
涼拌牛腸口感有啲似牛肚，韌韌地咁，食落有啲滷水香，唔會好辣
🦑◖手工松露海鮮丸◗ $32
加入咗黑松露落啲墨魚滑度，咬到粒粒墨魚肉，口感爽脆彈牙，加上黑松露嘅香味，超正！
🌶️◖麻辣鴨血◗ $32
食台式火鍋必要，口感韌韌地，放咗喺個排骨湯裏面好入味！
🍋◖珍珠翡翠檸檬◗ $14
有原片檸檬，底部放咗啲珍珠，味道偏酸，有少少檸檬嘅澀味，消滯一流！
🍊◖真心橙意翡翠◗ $14
呢杯同檸檬嗰杯差唔多，佢係橙味，味道都幾酸下，加咗啲愛玉喺底，都幾好飲～
🌟Encore指數：9.3/10
張貼
