八方雲集鍋貼水餃專門店

營業中

休息中

今日去Aeon超市買嘢嘅時候，就順便去咗八方雲集買外賣。呢間喺超級市場入面嘅店舖地方都好簡潔開揚。呢間店舖主打都係食鍋貼，水餃，仲有台灣麵類，飲品就有珍珠奶茶同綠茶嘅種類選擇。午餐時間，揀咗招牌鍋貼同埋豆漿，套餐價錢外賣$43，都算親民。叫得做招牌鍋貼，長青款式，味道一定係大眾化接受嘅口味，一盒十隻，都夠曬飽，仲有醋同埋豉油包作點綴。煎香嘅餃子，底部略略嘅香脆感，同整體餃子皮嘅煙韌度恰到好處，餡料豐足，食到豬肉嘅嫩滑感，整體好食。至於豆漿就中規中矩，份量ok。