影片
更多
2022-06-30
674 瀏覽
牛角集團「株式会社」新品牌！好呷台灣火鍋主打台式火鍋放題，有齊經典台式養生湯底同特色火鍋配料，仲有超過二十款台灣小食、手搖飲品~ 好呷設有4款任食套餐，午市價錢由$158至$268，晚市價錢由$238至$368，限時120分鐘。想食靚牛同海鮮，不妨嗌最豪華嘅$368套餐！除左有任食澳洲M5和牛肩胛肉，仲有輕奢華頭盤，有齊手切牛 • 外裙肉、鮑魚、蠔、蝦、蜆、鱔，每款質素都唔錯，可惜只供應一次。整體黎講，火鍋配料有一定質素(對得住個價錢!)，特別係貢丸類。有budget嘅不妨嗌最豪華嘅$368，不過其實$268已經包左任食封門柳、嫩牛肉，岀面嘅自助區亦有唔少台式小食同手搖飲品，食平少少嘅set都可以好滿足。如果唔想齋食火鍋，或者想一解鄉愁，呢度都係一個唔錯嘅選擇！————————————————⠀⠀⠀✨湯底✨鴛鴦鍋 +$50 (附送自家人參沾醬、麻香辣醬)🌶 麻辣鴨血藥膳鍋幾香，麻得黎唔會好辣，入面嘅鴨血超入味呀！滑溜Q彈多汁！🐷酸菜白肉鍋幾岩我口味喎！利申鍾意食酸，幾清新開胃~ 佢亦無麻辣鍋咁霸道，唔會蓋過薄切牛嘅肉味。— — — — —
好呷設有4款任食套餐，午市價錢由$158至$268，晚市價錢由$238至$368，限時120分鐘。想食靚牛同海鮮，不妨嗌最豪華嘅$368套餐！除左有任食澳洲M5和牛肩胛肉，仲有輕奢華頭盤，有齊手切牛 • 外裙肉、鮑魚、蠔、蝦、蜆、鱔，每款質素都唔錯，可惜只供應一次。
整體黎講，火鍋配料有一定質素(對得住個價錢!)，特別係貢丸類。有budget嘅不妨嗌最豪華嘅$368，不過其實$268已經包左任食封門柳、嫩牛肉，岀面嘅自助區亦有唔少台式小食同手搖飲品，食平少少嘅set都可以好滿足。如果唔想齋食火鍋，或者想一解鄉愁，呢度都係一個唔錯嘅選擇！
————————————————⠀⠀⠀
✨湯底✨
鴛鴦鍋 +$50 (附送自家人參沾醬、麻香辣醬)
🌶 麻辣鴨血藥膳鍋
幾香，麻得黎唔會好辣，入面嘅鴨血超入味呀！滑溜Q彈多汁！
🐷酸菜白肉鍋
幾岩我口味喎！利申鍾意食酸，幾清新開胃~ 佢亦無麻辣鍋咁霸道，唔會蓋過薄切牛嘅肉味。
— — — — — — — — — — — — — ⠀⠀
【厝內人。吃台北】輕奢華頭盤
肉類：澳洲M5和牛肩胛肉、手切牛•外裙肉
海鮮：鮑魚、蠔、蝦、蜆、鱔
蔬菜：水蓮、時令蔬菜
👍🏿厚切外裙肉
牛味濃，軟彈有肉汁，側邊仲有啲肥膏位！充滿油香！厚厚一塊超滿足！可以呢款無得任食
👍🏿海鮮
每款都幾鮮~ 鱔肉軟腍冇乜骨，皮軟彈唔腥，魚味岀！鮑魚軟彈唔韌。
— — — — — — — — — — — — — ⠀⠀
✨值得食✨
👍🏿三星蔥爆漿貢丸
👍🏿芋泥貢丸
👍🏿噴汁香菇湯包
貢丸多汁彈牙，入面分別包住滿滿嘅三星蔥肉餡、軟滑芋泥、香菇餡。三星蔥同香菇好香好突岀！芋泥鹹鹹地，真係有芋頭味！
👍🏿魚籽蝦滑
彈牙，濃蝦味！魚籽熟左都仲卜卜脆，仲有粒粒蝦肉
👍🏿滷牛肚
👍🏿滷豬肚
兩款都好入味！牛肚滷得好腍，豬肚彈牙唔會太實太硬。不過滷蛋同滷豆腐就唔太入味
👍🏿鹽酥雞
係小吃自助區嘅鹽酥雞！店員會定期fill，個櫃又真係幾保温。鹽酥雞外皮香脆，雞肉幾滑有肉汁，唔會太鹹。
🤘🏿麻香辣味爆米花
香脆！初初入口好似無乜殺傷力，但去到喉嚨位個麻好岀！
— — — — — — — — — — — — — ⠀⠀
✨好特別✨
🤣麻辣芫荽雞滑
雞滑嘅口感同我想像中有啲岀入，滑得黎偏腍。入口好濃芫荽味！唔會太辣。芫荽控可以一試，但個人就唔太鍾意呢個口感
🤣人參沾醬
食落就係人參味嘅麻醬~ 其甘甜同麻辣鍋又幾夾喎
— — — — — — — — — — — — — ⠀⠀
✨少失望✨
花雕醉生雞件
醉雞件唔似平時個啲先煮熟再醃，所以碌完已經無乜酒味
好呷綜合紅豆湯
一碗嘅份量都幾少，裝得個碗三分之一，不過都好，可以先試試味。紅豆湯幾濃稠，但甜度較高，芋圓偏腍，芋泥偏甜香氣較淡。
温馨提示
丸、蝦滑墨魚滑、雞件 全部都係一粒一件咁嗌~
張貼
