堂小二

營業中

休息中

元朗西鐵站下面最近開左間堂小二，裝修好雅緻，係立食小店。主要都係賣街頭小食，另外都有台式肉燥飯，肉燥米粉，糯米雞，碗仔翅，魚蛋腸粉都有，方便返工放工嘅打工仔，可以快速醫肚。我今日叫左個肉燥米粉，肉燥味道好好，唔太喊質感都好好，份量足夠。另外試左個店員推介嘅自家製牛肉丸，配上佢地特製嘅醬汁，好惹味。碗仔翅好出色，唔太稀又唔太杰，足料又夠熱，食完又唔口渴。另外叫左個糯米雞，用料足，糯米好香滑軟綿綿好juicy ，而家天氣涼涼地真係食完成個暖哂。