香酥炸雞腿便當 $63
圓形便當睇落輕量，但其實份量足，好夠飽；便當有八款，主要係豬或雞肉之選，我就揀咗炸雞脾，皮脆肉嫩，配白飯同埋三種精選配菜，椰菜丶粟米丶菜甫，仲有半隻滷水蛋同埋少量粉絲，估唔到啲粉絲好惹味，如果改做主食都唔錯吖！
香酥豬扒肉燥乾拌麵 $64
豬扒好酥脆，肉質鬆軟，咬落仲有酒香；肉燥乾拌麵係台式鹵肉，手切方型三層肉，夠入味！
皮蛋豆腐 $20
雪花皮蛋丶冰凍豆腐，最鍾意係加咗充滿煙薰味嘅木魚片，味道提升。唯一略嫌啲蠔油醬料太重手，偏鹹，如少啲醬就啱啱好喇！
芋頭鮮奶小芋圓 $37 (跟餐-$8）
芋頭豆乳小芋圓 $32 (跟餐減-$8）
台式芋泥係特別綿滑，配上鮮奶或豆乳都好味，小芋圓偏甜，質感煙韌，好飽肚！
