桔梗 (已結業)

果日係旺角行街既時候路過一間超級有feel既文青café - 桔梗。入到去發現原來樓高3層，樓下有好多木台，二樓就係少量既sofa台加桌球，三樓就係可以食shisha既天台。每層裝修都有少少唔同，但都幾值得打卡！ 呢間餐廳係自助形式，需要自己揾位、自己拎食物、食完都要自己放返餐具去指定地方，所以係不用收加一服務費的！ 打開餐牌發現主打三文治以及早午餐，咁我就每樣都叫左一份啦 龍蝦酪梨白酒奶油醬汁$148超級滑既炒蛋上鋪滿炒白酒龍蝦，龍蝦好鮮味，配上加左芝士既炒蛋好好食啊! 炸軟殼蟹與檸檬香草酸奶$148比起三文治,我更覺得似漢堡呢!內陷非常豐富,有新鮮炸起的軟殼蟹、炸魚柳、滑溜炒蛋以及檸檬香草酸奶醬，食落真係好滿足。 季節果昔 $68這個季節果昔是雙人份的，每一日都唔同味道。我這天是藍莓味，以新鮮的水果整成既奶昔真係特別有果香，奶昔上面還鋪了果仁以及餅乾，食落口感豐富桔梗奶昔$58外型粉粉的真是令人少女心爆發！味道有淡淡的香蕉味以及香草味，都幾好飲！