764
227
70
等級2
8
0
2023-09-04 1090 瀏覽
週末走到TheOne行街,時間嚟到下午茶就順便坐低食埋飯,帶位店員派咗個卡位畀我哋坐,座位都幾闊落。如果有得坐店外嘅座位,打卡影相嘅光線應該更加好睇🤭 我同女友都分別叫咗每人一個餐一杯飲品,都食得好飽,不過味道就稍為普通。暖心炸排骨鹵肉飯 - 98$ ⭐⭐⭐/⭐x5 推薦指數呢個餐絕對稱得上禾稈冚珍珠,意想不到係佢啲肉燥先係最好味,甜甜地配上滷肉帶有豬皮,豬嘅油脂,同白飯一齊食係停唔到口。相對地豬扒失色好多,炸得有啲嚡口,食到第二件都已經覺得有啲滯。順帶一提貓耳朵醃得好好味,食得出有小小酸同蒜頭芫茜香👍但係蛋花湯就真係蛋花湯,一般般。佛羅倫斯花枝干貝麵 - 108$ ⭐⭐⭐/⭐x5 推薦指數餐送到嘅時候,經過香草油嘅烹調,香味撲鼻,Nana已經流曬口水!花枝,干貝炒上意粉都相當入味,彈牙。但係如果唔鍾意食黑椒嘅朋友仔,呢碟意粉對你哋嚟講嘢可能有啲地獄,因為每一口都咬到黑椒碎,感覺上有啲似黑椒炒意粉多啲 🥹黑旋風摩卡 - 45$ ⭐⭐/⭐x5 推薦指數如果太多朱古力味,咖啡味會冇定企🫠 可惜可惜!草莓伯爵歐蕾 - 55$ ⭐⭐⭐⭐/⭐x5 推薦指數牛奶同伯爵茶好夠味,互相融合。草莓相對地
更多
週末走到TheOne行街,時間嚟到下午茶就順便坐低食埋飯,帶位店員派咗個卡位畀我哋坐,座位都幾闊落。如果有得坐店外嘅座位,打卡影相嘅光線應該更加好睇🤭 我同女友都分別叫咗每人一個餐一杯飲品,都食得好飽,不過味道就稍為普通。

暖心炸排骨鹵肉飯 - 98$ ⭐⭐⭐/⭐x5 推薦指數
暖心炸排骨鹵肉飯
$98
44 瀏覽
0 讚好
0 留言
呢個餐絕對稱得上禾稈冚珍珠,意想不到係佢啲肉燥先係最好味,甜甜地配上滷肉帶有豬皮,豬嘅油脂,同白飯一齊食係停唔到口。相對地豬扒失色好多,炸得有啲嚡口,食到第二件都已經覺得有啲滯。順帶一提貓耳朵醃得好好味,食得出有小小酸同蒜頭芫茜香👍但係蛋花湯就真係蛋花湯,一般般。

佛羅倫斯花枝干貝麵 - 108$ ⭐⭐⭐/⭐x5 推薦指數
佛羅倫斯花枝干貝麵
$108
32 瀏覽
0 讚好
0 留言
餐送到嘅時候,經過香草油嘅烹調,香味撲鼻,Nana已經流曬口水!花枝,干貝炒上意粉都相當入味,彈牙。但係如果唔鍾意食黑椒嘅朋友仔,呢碟意粉對你哋嚟講嘢可能有啲地獄,因為每一口都咬到黑椒碎,感覺上有啲似黑椒炒意粉多啲 🥹

黑旋風摩卡 - 45$ ⭐⭐/⭐x5 推薦指數
如果太多朱古力味,咖啡味會冇定企🫠 可惜可惜!

草莓伯爵歐蕾 - 55$ ⭐⭐⭐⭐/⭐x5 推薦指數
草莓伯爵歐蕾
$55
20 瀏覽
0 讚好
0 留言
牛奶同伯爵茶好夠味,互相融合。草莓相對地變咗配角,可能始終係草莓糖漿啦,但係整體嚟講都好好飲🍓不過不失嘅一餐,尖沙咀嚟講,價錢唔係話太貴,都只係食咗300幾左右。有機會下次再試下其他嘢食,希望會有另一番驚喜😉
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2023-08-26
等候時間
5 分鐘 (堂食)
人均消費
$160 (下午茶)