哥哥添飯•妹妹泡茶 (已結業)

去觀塘搵開朋友佢話公司附近有一間台灣嘢之前食過都唔錯話同我去食晚餐。我地分別叫左岩鹽鹹豬肉皮蛋醬生菜包配蒸刈包同過激椒麻脆炸雞，另外而家晚市堂食只要加$10就可以仲升級做定食套餐,包括有三碟時令前菜,滷肉青菜或者杞子青菜再加一個小甜品。岩鹽鹹豬肉皮蛋醬生菜包配蒸刈六件大大塊既半肥瘦嘅五花腩放喺粉紅嘅鹽板上邊，食嘅時候配上生菜同埋秘製皮蛋醬非常滋味。過激椒麻脆炸雞唔食得辣嘅仲有冇辣嘅炸雞俾大家揀，呢隻炸雞外皮脆薄咬落肉嫩多汁，而且一啲都唔鞋口添，配上啲椒麻辣粉真係好惹味。飲品方面我哋就叫咗個桂花甘香柚子鐵觀音同老細萬歲黑糖珍珠厚奶茶，前者有好重嘅柚子香味飲落非常清爽。後者則甜度適中，珍珠夠曬彈牙。整體餐廳食物質素不錯而且服務良好值得再嚟。