壹茶 (已結業)

尋日朋友帶我行葵涌廣場😊，原來個商埸除左係購物天堂，仲係美食天堂。食左好多燒賣、魚蛋、Pancake等美食，最後去左Tea One買杯飲品🍹。呢間茶店除左有傳統嘅台式珍珠奶茶，仲有好多清爽宜人的特色飲品🍸🍷，水果飲料最啱夏天飮。我叫左杯蛋糕奶茶，咁有創意一於試吓！奶茶味都算唔錯，但台灣嘢始終偏甜，蛋糕係芝士味，飲蛋糕🍮又幾得意喎！兩者結合，算係Perfect match。朋友果杯百果茶，有少少酸味仲有果肉🍇🍒🍓，最啱食飽左幫助消化。大大杯都只係$20，抵飲！