茶木‧台式休閒餐廳 (已結業)

約朋友傾計唔一定去西式咖啡廳，近年流行的台式休閒餐廳都係唔錯的選擇，例如茶木，港九新界都有店，集團式經營，好處係有台式食品，亦有西式料理共存，例如食意粉可以加台式果茶，食牛肉粉又可以配咖啡，今日我就食意粉加個炒菜及奶茶。食台灣菜所用西式食品都改咗個文雅的中文名，機乎唔認得呢個係意粉，烏賊奶油花枝片手打麵，單看名以為係湯麵，正在唸點解有奶油，原來係墨汁忌廉意粉，忌廉豐富唔過份，墨魚幾大片，仲有些透明，望落肥美，麵貨都幾爽彈。中西合一的培根爆椰菜花，培根即是煙肉，煙肉與鹹五花腩片的分別就是更香口，炒菜無理油唔好食，估唔到鑊氣唔錯。最後的日月潭紅茶奶蓋即是奶茶，刻意最後下奶唔攪拌，所以似奶蓋，味道唔太甜，而且有幾片玫瑰花，又靚又香。見有人排隊，兩個鐘不到的晚餐唔過份。