迷客夏 (如心廣場二期)

夏日炎炎，茶飲成為咗香港人解暑嘅No.1首選，而今次嚟到Milksha，當然都要一試佢十分出名嘅「王牌大甲芋頭鮮奶」。

1

迷客夏標榜佢嘅王牌大甲鮮奶係堅持使用台中直送嘅大甲芋頭，以人手壓蓉，務求令口感保持「綿、鬆、粉、香、Q」。因此今次呢篇食評亦都會睇下究竟王牌大甲芋頭鮮奶能唔能夠做到以上呢幾個標準！

1

大甲芋頭鮮奶

先講芋頭蓉，Milksha嘅芋頭的確做得幾出色，芋頭蓉因為人手壓製嘅關係，非常綿滑之餘，亦有唔少細嘅顆粒提供唔同嘅口感。而芋頭明顯亦同其他市面上類似嘅飲料出色，芋香味比較重。再講下鮮奶，奶味好濃郁之餘同芋頭蓉飲落非常夾，有種相輔相成嘅感覺。可惜整體份量的確比較少，如果份量提升1.5倍可能性價比會更高！

味道 ⭐️⭐️⭐️⭐️
服務 ⭐️⭐️⭐️
環境 ⭐️⭐️⭐️
性價比 ⭐️⭐️⭐️

1

1