范湯皇 (已結業)

雖說係家庭小菜，但一啲都唔簡單，食得出新鮮靚料，用心烹調，真好味！我哋未齊人，先上小食，食住等。人齊後，主菜一碟一碟上，比時間大家慢慢食。我就特別鐘意以下幾味。黃酒雞：香、滑、甜，連薑粒都好味，全部配料都清晒。蕃茄魚湯：鮮、濃、正正正。蝦仁炒蛋：用大鮮蝦，蛋超滑，送飯一流。蒸魚：似普通嘢，但暗藏靚咸魚一舊仔，連薑絲都食得出係正嘢。菜心：又似係好普通嘅炒菜，但嫰嫰嫰。最後不得不提，茶也特別用心。環境舒適，服務周到，$300一位，無其他任何雜項收費，不貴。