治癒菓子

呢間位於鰂魚涌嘅治癒菓子，每日只有兩次出爐時間，仲要未必日日開，數量有限，賣完即止。


今日好彩早咗食午飯，又遇到店主有開店，先有得食。佢每次出嘅味道都唔一樣，令客人可以有新鮮感❤️


今次味道有：
🔹髒髒比利時朱古力麻糬
🔹濃香豆漿麻糬
🔹台灣芋泥奶黃金沙麻糬
🔹香烤杏仁玫瑰伯爵茶麻糬


今次就買咗杏仁玫瑰伯爵茶麻糬，一如既往地好食，個泡芙好脆口，玫瑰伯爵茶忌廉清香而不甜，散發濃濃嘅伯爵茶味及淡淡嘅致玫瑰香，加上煙靭嘅麻糬、脆口嘅杏仁片，值得encore!


如果店主可以出返mini 散水版就好，咁可以一次試好多味道！