.
▪️海南雞$80/半隻
海南雞分好多種 個人最中意泰國做法，會比較香料重同肉質嫩滑d! 呢間海南雞肉質嫩且肥瘦均勻，煮出來肉嫩又汁豐富😍配埋佢有個傳統醬汁食，風味十足。重點係超平🤭！講緊半隻雞賣$80！如果叫海南雞飯都好抵食，只係$30...(真心唔知佢點賺🙈）海南雞飯真係出去食好過屋企食，又要浸雞、煮湯、炒油飯，全部都好考功夫👍🏻抵讚！
.
▪️泰式軟綿綿豬手飯$30
食完雞之後就叫個豬手飯trytry, 泰式豬手係香港比較少食，因為通常都要半隻/成隻叫，佢呢度可以叫飯，咁就可以試一試。豬手炆煮到好淋身，淋到食落口會溶個隻，最正係佢個豉油汁唔會太鹹，甜甜地咁既味！最中意豬手個豬皮，整得好食。另外個黃姜飯都好食，粒粒米飯分明，加上個油撈埋岩岩好，不經不覺間食晒成碗😢
.
▪️青木瓜沙律$12
$12既青木瓜沙律，除左呢度我真係無係香港食過咁平，諗著呢個價錢乜都收貨架啦。點知佢個青木瓜沙律係好食，好食個點係邊呢？首先：佢係青木瓜+青蘋果+蘿蔔絲+花生+一堆泰式料！ 足料都算，佢係整得好泰國feel ！ 因為佢夠辣！成日係其他地方食既都得個酸，呢度整到又酸又辣🤗真係好想再叫黎食。
.
▪️鹹檸七$12 And 烏龍茶$10
飲品方面我地叫左一支烏龍茶同鹹檸七，$12杯，都係個句，唔明佢點解收咁平🤣成半個咸檸加整罐7up
.
因禍得福今日撞彩食到間好食既海南雞😘
