活

營業中

休息中

北角匯有一間超級正既cafe！呢度地方好大，又有一個好大嘅落地玻璃，成個環境望落真係好舒服，好開揚，可以望到商場外面嘅景觀，喺日頭嘅時間陽光射入嚟好暖好舒服，比人一種好放鬆嘅感覺😌我地叫咗以下三樣食物：✨壽喜燒牛肉溫泉蛋意大利飯✨壽喜燒醬汁本身鹹中帶甜，配合牛肉十分很可口，牛肉牛味濃郁，肉質柔軟，厚度適中剛好，而溫泉蛋蛋味好重，蛋汁令口感更滑溜，不錯😋✨慢煮西班牙黑毛豬，黑醋汁，配薯蓉✨慢煮西班牙黑毛豬，呢個真係超厚既黑毛豬，黑毛豬本身已經好香好好食，再加埋慢煮既方法，啲肉更加嫩更加入味，肉質真係無得頂，煮得剛剛好到位，仲好有肉汁，真係勁正😍薯蓉都好正，綿滑好好味，超超超好食！✨炸軟殼蟹龍蝦汁意大利飯✨佢嘅軟殼蟹意大利粉好吸引，將一隻軟殼蟹放喺飯嘅上高，真係好吸睛。軟殼蟹超大隻，炸到金黃色，勁香脆，軟殼蟹蟹肉爽爽地，蟹味超濃。意大利飯軟硬適中，龍蝦汁煮出嚟嘅意大利飯都好香，每啖都有龍蝦味，好有龍蝦鮮甜嘅味道，同脆脆既軟殼蟹一齊食真係好正，勁好食！