日日香鵝肉飯店 (已結業)

#元朗到元朗辦點事, 順便相約媽媽食個晚飯💃! 路經一家店被香味吸引, 裝潢用上我喜愛的那種綠色及金屬設計, 以為係西餐廳, 點知原來食滷味, 真係估你唔到呢....亦只怪我發雞盲🙄, 明明成個玻璃櫥窗都掛滿滷味😂🤣! 😎唔想諗, 就來個精選2人餐 $288! 🦢滷水獅頭鵝脾! 滷水獅頭鵝比一般鵝肉厚, 骨架大, 肉味更濃, 秋天鵝係最靚嘅! 鵝肉細膩嫩滑, 紋理細緻, 鵝香滿溢! 配上微辣咸酸菜, 一絶! 🦢潮流滷味拼盤 (例牌....咩係潮流 BTW?🤔🤔) 有豬大腸、豬耳、豬腩肉、紅腸、豆卜、滷雞蛋)! 呀拼盤真係一次過滿足晒多個願望🥰! 想食嘅都有, 如果唔係因為唔太餓, 一定要埋鵝肝! 🥬滷汁油菜, 菜可選, 我們點的是芥蘭, 超爽脆!🍲原盅鵝骨湯/2客! 足料, 味濃, 唔係味精湯啊! 🍚仲有泰國米飯, 但貪心的我轉米粉! 🤭以食滷味嚟講, 呢家店係坐得最舒服亦最乾淨, 竟然仲有梳化卡位...店員仲超好禮貌, 坊間少見!