但今次真係。。極度失望 諗住呢間新嘅甜品店 裝修唔錯 ，門口嘅menu都幾吸引， 就入去試下啦！
因為夏天。。一坐低就一人叫一杯嘢飲先， 什麼火之戀，雪之戀 。。都係毫無誠意嘅作品 😓只係唔同顏色同味道嘅糖水加水加冰，已經知道伏咗！普通到連相都無諗過要影。仲叫咗個菠蘿金寶同蜜糖雞翼， 兩樣都係同一樣色就係炸燶咗嘅顏色。。
菠蘿金寶 ～～真係可以用不知所謂四個字嚟形容， 從未試過咁難食嘅甜品，我哋只係食咗三分一就已經擺咗喺度，因為佢做出嚟嘅樣就係菠蘿放喺底，有啲碎濕濕燶咗嘅餅乾就咁放咗喺面，好似兩樣嘢係應該分開食咁樣！
同埋我真係覺得如果一間食市連炸雞翼都可以整得難食嘅真係好難。。你勁你得咗！
以上兩圖都是我哋食淨咗唔敢再放入口！
其實我諗我哋真係叫錯嘢，係我哋唔啱 ，應該要叫番嗰啲大大隻字推介嗰啲甜品先得，什麼七成熟牛扒雪糕呀。。 炸雪糕之類嘅嘢會好啲！
