影片
更多
2022-08-27
26 瀏覽
見到網上好多人讚呢間野，諗住呢啲打卡勝地，都係麻麻地但我又真係好鐘意食川菜，咁咪book定枱試下囉～去到講book左枱，店員已經立即同我確認身份，店面非常乾淨，有啲文青感覺。我本人最怕地下痴立立同枱面有上手污漬既個啲串燒地方，但呢到無，枱面地面清爽，而我最focus既枱邊，都好乾淨，呢個係我第一樣滿意既地方大約隔左幾分鐘，店員就比左QR code我落單，都幾方便同user friendly，好輕易就落到單，因為唔係好餓，所以無嗌好多，只嗌左幾樣《估你唔到麻辣黑松露干鍋》-五花腩/蝦/娃娃菜/金菇其實我麻麻地黑松露，但我無諗過佢同麻辣干鍋個味夾成咁，好特別，係一種新既味道，完全開發左我味蕾，我比佢搞到好似有少少鐘意左黑松露既味。另外，非常足料，如果剝埋蝦就好了？哈哈！但不得不提，個薯條係我最愛既硬度！真係好好食！！！！配飯一流!《食到你驚雞軟骨》真係好少有一間舖頭會比咁鬼多雞軟骨架痴線，味道很好，略微帶鹹，配啤酒剛好，尤如實在太多，我就打包拎左返屋企。第二日輕輕氣炸返，都仲係咁好食！《四川燒苕皮》因為真係唔太餓，所以只叫了一串串燒，呢個係未食過既野。喂！好痴線，好食喎！似一條寬粉包住一堆
但我又真係好鐘意食川菜，咁咪book定枱試下囉～
去到講book左枱，店員已經立即同我確認身份，店面非常乾淨，有啲文青感覺。我本人最怕地下痴立立同枱面有上手污漬既個啲串燒地方，但呢到無，枱面地面清爽，而我最focus既枱邊，都好乾淨，呢個係我第一樣滿意既地方
大約隔左幾分鐘，店員就比左QR code我落單，都幾方便同user friendly，好輕易就落到單，因為唔係好餓，所以無嗌好多，只嗌左幾樣
《估你唔到麻辣黑松露干鍋》
-五花腩/蝦/娃娃菜/金菇
其實我麻麻地黑松露，但我無諗過佢同麻辣干鍋個味夾成咁，好特別，係一種新既味道，完全開發左我味蕾，我比佢搞到好似有少少鐘意左黑松露既味。另外，非常足料，如果剝埋蝦就好了？哈哈！但不得不提，個薯條係我最愛既硬度！真係好好食！！！！配飯一流!
《食到你驚雞軟骨》
真係好少有一間舖頭會比咁鬼多雞軟骨架痴線，味道很好，略微帶鹹，配啤酒剛好，尤如實在太多，我就打包拎左返屋企。第二日輕輕氣炸返，都仲係咁好食！
《四川燒苕皮》
因為真係唔太餓，所以只叫了一串串燒，呢個係未食過既野。喂！好痴線，好食喎！似一條寬粉包住一堆蒜頭，作為蒜頭愛好者，呢個苕皮真係深得我心，不過溫馨提示第一次約會就咪叫了哈哈
飲品叫左芭樂烏龍同荔枝烏龍，唔係好甜，但可以解渴解膩，非常唔錯
因為唔太餓，所以無嗌到飯食，空口食稍為鹹左少少，好少寫食評，但呢間成間年輕人主理既餐廳，加上真係好食，所以忍唔住要講，原來打卡地方既野食，都可以係真美食！絕對會返去第二次第三次第X次！
四川苕皮
4 瀏覽
0 讚好
0 留言
食到你驚雞軟骨
1 瀏覽
0 讚好
0 留言
估你唔到黑松露麻辣干鍋
9 瀏覽
0 讚好
0 留言
張貼
