味苑 (已結業)

打完風唔想想煮，走去食飯，點知入咗間伏店。

燉湯唔係燉出嚟 - 一飲就知；同埋個盅入面咁少料，邊會燉得出呢啲味 - 即係你叫返自己例湯啦大家唔會怪你㗎。菜苗，都唔嫩，叫返清炒時蔬得唔得 - 即係除咗餐牌描述同事實似乎不符之外，呢兩味味道尚可接受。

最慘烈係佢個所謂鎮店叉燒，又死咸又冇肉味又鞋（係超越咗平日瘦叉果個程度的鞋）；我平日係好怕浪費食物點都會清碟，但今舖實在太難食都要剩底幾件叉燒。

我真係好擔心個師傅，佢味覺係咪有問題，點解咁難食嘅嘢都可以當係招牌拎出嚟賣。🤦🏻‍♀️

個菜苗都唔係苗，燉湯又唔係燉

太難食，無奈食剩