Loft Cat-fe (已結業)

出開佐敦有嘢做，但中間有個空檔，於是搵咗間貓Cafe chill 下，一開始行樓梯上閣樓果時，見到有隻好charm嘅貓貓坐喺度歡迎我哋，貓貓一見到我哋就喵左幾下，十分熱情❤️，佢個名叫毛毛，原來佢係呢度既嘅元祖貓店長，一直都喺店內坐鎮，仲好嗲豬添𠺢😻Cafe環境寬敞，感覺舒服，唔會覺得有迫嘅感覺。我哋去果日總共有七隻好可愛嘅貓貓🐱，有啲跑來跑去玩緊，有啲就喺地下同檯櫈度休息緊。依度嘅入場費係$80 (大小同價)，但係會有$40回贈，可以用嚟買食物飲品或者貓條，其實真係好抵😅蕃茄肉醬意粉 $58蕃茄醬酸酸甜甜，肉醬香濃，配意粉剛好，口感滑順。  香蒜肉醬意粉 $58香蒜味濃郁，肉醬帶點鹹香，意粉吸收得好好，如果可以冇咁鹹就更加好。食完嘢歎返杯Earl Grey同Americano，靚靚店員會即時親手喺杯套卡紙畫貓貓圖案，畫得好細緻，好有畫功，盡顯心思😍講返貓貓，我哋一坐低之後，毛毛就好唔客氣咁跳咗上我身上面，不停同我傾偈，熱情令我無法抗拒，感覺好治癒，最後仲喺我大脾瞓咗覺，為咗佢我郁都唔敢郁，怕嘈醒佢😂其他貓貓不約而同都跑過嚟坐喺我身邊，實在可愛到暈，同佢哋打完卡之後，佢哋又再跑黎跑去，跳