夢樂園 (已結業)

今日嚟咗尖沙咀睇戲 睇完就去咗附近嘅商業大廈食一間有可愛貓貓嘅小店😺餐廳環境唔算好大 有少少似樓上cafe嘅感覺 不過重點都係兩隻貓店長 店員有抱起貓貓上檯俾我地同貓貓玩 不過貓貓可能好攰 冇同我地玩就行咗去角落頭瞓覺 睇住佢瞓覺都覺得好可愛😚我同友人一人叫咗一個午餐 黑毛豬魯肉飯 份量唔大 魯肉食到啲豬肉肥瘦分明 口感唔錯 魯肉份量啱啱好可以送晒成碗飯 啲汁都好好送飯 又唔會太咸 恰到好處🐷紅鳳凰口水雞飯 一望啲蔥就知呢碟重口味 其實都幾多件雞 俾啲蔥遮住咗睇唔到雞嘅份量 食咗大概十件雞👍🏻 仲要已經去晒骨 啖啖肉 食落第一啖就覺得麻味好吸引 會想不斷食 非常之惹味 非常推介脆皮餃子 外皮好脆 仲有好多肉汁府城蝦條 呢個都好脆 蝦味唔算好突出 有啲似蝦丸嘅味道蜜桃烏龍 飲落較甜 但都可以接受嘅😗茉香奶茶 加珍珠 珍珠幾好食 係煙韌又唔會俾啲糖漿整到好甜🧋 整體喺尖沙咀搵到一間性價比高嘅餐廳真係覺得好開心🍴 真係好推介口水雞🐥