点心代表 (已結業)

好耐冇同小學同學見面，諗住同佢試下間過癮既餐廳～之前食過蠟筆小新既，覺得真係好可愛所以就決定再試！但今天既卡通人物我就唔識既…叫咩「卡娜赫拉的小動物」所以我就更加集中係食物質素同服務上面，然後就發覺，我真係幾後悔簡左呢間同朋友見面…先講服務，企係門口想入座又唔理，仲要唔係爆場咖喎，咁我等得太耐就決定自己入座侍應係叫極都係唔理，張枱又唔執又唔擦咁，舉手舉左成五分鐘想落單都係唔理，我有朋友做侍應，所以我好可以理解個場唔夠人手用會點，所以我覺得等多陣都可以既，但時間已經唔係最大問題，最大問題係佢冇禮貌，塊面黑過鍋燶咁點搞呀大佬…直情已經唔係單純人手不足既問題，係禮貌同態度問題。跟住食物質素，我唔否認賣相真係好吸引既，女仔鍾意呢啲就更加覺得吸引，雖則我唔識呢隻兔仔，但粉紅色咁成件事都係好靚好好睇既，但佢真係好普通。我唔可以話佢唔好食，但點心唻講，真係我屋企樓下個啲商場仔酒樓都會好食過呢間野。但佢收呢個價錢…咁所以其實都真係賣隻公仔同個樣。如果要我比呢個價錢，剩係打個卡，又唔多好食既時候，我會選擇真係去間茶樓食點心，同去其他靚cafe打卡囉。