影片
更多
2013-03-22
3 瀏覽
今日午餐嚟咗尖沙咀'搵食'...幾日前都想搵餐韓國嘢食吓喇, 咁啱行過見到呢間望落去乾淨企理, 個Set-Lunch牌都有幾樣嘢有興趣食, 好, 一於試吓啦.....叫咗75蚊嘅牛肋骨肉飯, 隨飯上枱時有杯熱茶同3碟配菜, 食咗幾啖至醒起未影相, 所以啲嘢有啲亂亂地, 牛肋骨肉賣相唔靚但頗多亦都幾大塊而且味道真係唔錯, '牛有牛味', 仲幾重牛味添, 相信肉的質量不錯, 跟餐上的小碟醬油很好味, 配菜有薯仔, 菠菜同辣泡菜, 味道亦不錯, 本來...係本來呢...今餐可以俾高啲分, 但'好戲在後頭'.....食飯後一小時內我已經飲咗2大杯水都意猶未盡, 所以情況係'頗嚴重'嘅, 今餐係通過唔到本人的味精測試嘅, 真係可惜! 為咩呢? 味精都要成本o架...可唔可以幫你鋪頭慳啲呢? 難道唔咁重手師傅出唔到餐嗎? 真係要檢討一吓....服務方面, 呢度提供的服務, 其實又係香港好多食肆嘅普通問題, 侍應無笑容又唔專心-----講開又講...其實我已經好接受咁嘅態度, 因為唔係"黑口黑面"我已經覺得好幸運喇, 重敢要求咁多咩?!! 所以我覺得作為俾錢嘅食客, 可能大家都慢
叫咗75蚊嘅牛肋骨肉飯, 隨飯上枱時有杯熱茶同3碟配菜, 食咗幾啖至醒起未影相, 所以啲嘢有啲亂亂地, 牛肋骨肉賣相唔靚但頗多亦都幾大塊而且味道真係唔錯, '牛有牛味', 仲幾重牛味添, 相信肉的質量不錯, 跟餐上的小碟醬油很好味, 配菜有薯仔, 菠菜同辣泡菜, 味道亦不錯, 本來...係本來呢...今餐可以俾高啲分, 但'好戲在後頭'.....食飯後一小時內我已經飲咗2大杯水都意猶未盡, 所以情況係'頗嚴重'嘅, 今餐係通過唔到本人的味精測試嘅, 真係可惜! 為咩呢? 味精都要成本o架...可唔可以幫你鋪頭慳啲呢? 難道唔咁重手師傅出唔到餐嗎? 真係要檢討一吓....
服務方面, 呢度提供的服務, 其實又係香港好多食肆嘅普通問題, 侍應無笑容又唔專心-----講開又講...其實我已經好接受咁嘅態度, 因為唔係"黑口黑面"我已經覺得好幸運喇, 重敢要求咁多咩?!! 所以我覺得作為俾錢嘅食客, 可能大家都慢慢地、逐漸地被訓練調教得好配合侍應們, 將對'服務'呢環嘅要求越降越低... 話雖如此, 俾分時呢個分我俾2分, 因為3個樓面女侍應都係一致木口木面, 唔留意客人招手想落柯打, 未致於叫都扮睇唔到但咁都唔係好掂啦, 茶杯咁細, 三啖飲晒但佢都唔會主動四圍巡吓周圍加吓茶俾人...總之, 呢啲係可以好容易做得好好的地方都唔肯俾啲心機, 真係唔得! 唔enjoy份工唔敬業樂業啩...如果懂得理解"敬業樂業"呢幾個字, 返工放工打工做人都開心啲啦!
而當我上番嚟Open Rice 想寫食評之時, 都見到前幾位的食評係圍繞著重味精同服務差而評分嘅, 所以餐店方面真係要好好參考大家我意見, 否則好快'被淘汰'...
張貼
