漁匠料理 (已結業)

今日同朋友食聖誕節飯，諗起之前食過唔錯既日本料理鋪頭-漁匠料理。一於同朋友再嚟食過先。今次我地除左叫長身三文魚壽司之外，仲叫左幾款之前嚟未食過既款式，好似拖羅同赤海蝦。食落去三文魚依然夠厚身，赤海蝦夠新鮮之餘亦都大隻。炸蝦天婦羅，我覺得炸起唔太油膩而且夠熱，令我唔經唔覺會食多幾隻。今次我地仲叫左職員推介既北海道海鮮湯炒麵。個麵一上枱就聞到好香，湯底飲左少少都唔覺得太咸，麵條食落都叫彈牙，我同朋友都覺得職員無介紹錯。至於甜品，我比較鍾意食最右手邊個既款式，因為食落有淡淡既柚子味，反而另外兩個布丁既牛奶同芒果既味道比較淡左少少。