心血來潮, 想起, 好耐無飲茶了, 二人急急腳走上了這間開了不久的御苑皇宴, 前身為譚魚頭, 尖沙咀區租金年年升, 而且升得十分勁, 但店舖執完又開, 個個都以為自己做得掂過前人…
第一次來幫襯, 要試一試蝦餃, 餐紙上寫明: “金牌鮮鮮蝦餃”, 又”金牌”, 又”鮮鮮”, 兩個”鮮”呀, 點知上檯, 大失所望, 爛皮不特只, 蝦餃皮做得太大和太軟, 上爐蒸時, 皮向底部下跌, 導致底部一大塊爛皮, 賣相十分差, 入口, 果然, 軟淋淋的口感, 完全唔掂, 蝦肉不算太差, 但絕不可以用”新鮮”來形容, 些少實實口感.
叉燒腸粉, 腸粉皮做得略厚, 但不失煙韌和有嚼勁, 唯叉燒不多, 也放得不夠均勻, 提一提酒樓老闆: 叉燒唔係貴價貨, 落多一些少可赚取好感呀..
京川金錢肚, 五塊大大的牛肚, 除了其中一塊賣相較差和咬落大淋外, 其餘都十分好, 彈牙又不韌, 味道適中之餘略為偏鹹.
順德煎魚咀, 賣相不俗, 長碟上檯, 感覺良好, 蔥煎過, 口入香, 魚咀並非煎, 而是占粉炸過, 再連蔥和薑入鑀爆香, 全沒有鯹味, 味道些微偏鹹.
後加一碟椒鹽茄子雞軟骨, 即炸貨, 上檯時超熱, 辣口, 茄子占粉炸, 外皮炸得脆口, 內裡尚軟, 雞軟骨炸得鬆脆, 五分鐘已食完, 證明是搶手貨, 正嘢!
