名苑酒家 (已結業)

跟朋友午間飯聚，選擇咗名苑。之前跟太太講開好想嚟試試，數次過其門而不入，估唔到是次係同個朋友來...原來朋友之前已來過兩次，佢推薦我試試燉湯。見今日嘅係木棉花煲唐排，頗特別，於是叫個套餐，有燉湯連埋兩個餸，足夠有餘...湯先來。料頗多，除有木棉花及排骨外，仲見到有隻雞翼添；味頗鹹，而且鹹得有點不自然；顏色有一點混濁，似煲湯多過燉湯，不是自己那杯茶...所謂招牌海南雞只是普通白切雞一隻，賣相有點黑掹掹的，吃落又係覺得醃得頗鹹，不過肉不算太肥，亦冇乜雪味，還可以la...XO醬翠玉瓜炒爽肉就真的差勁 --- 碟底全部係油，而且又係落鹽唔使本，吃了一兩嚿就馬上停筷。咁嘅炒功，點出嚟見人 ?吃完後心心不忿，都好久冇試過咁激氣....black list佢可也....