呢間粉麵舖已經幫趁左好幾次，最鍾意就係佢哋嘅大地魚雞白湯湯底，每日熬製八個鐘以上，每一啖都品嚐到雞嘅鮮味😌絕對可以連麵帶湯都清埋😌
🧡三拼招牌櫻花蝦雲吞+秘製慢煮牛腩+牛筋麵 · $90+轉蝦子麵（+$12）
櫻花蝦雲吞係必食嘅！每一日人手手工包制😙 每一粒都好似乒乓波咁大！一咬開，入面係飽滿彈牙嘅鮮蝦豬肉餡😛牛腩同牛筋，同樣出色！牛腩有得揀偏肥定偏瘦，肉質非常鬆化😙牛筋晶瑩剔透，入口即化滿滿嘅膠質😛蝦籽麵爽口彈牙，食到蝦子嘅鹹鮮味😚永樂製麵廠出品果然係信心保證😙
🧡炸魚皮 · $22
魚皮本身香脆，最好食法係浸入嘅雞湯裡面，魚皮瞬間吸滿湯汁，外面軟滑，內裡仍帶點脆感😙呢個口感係最正嘅
