孟買廚房 (已結業)

好耐無食印度野，平時去九龍城只會諗到泰國菜，今次特登去食呢間，佢地既食物比我意料中好食，特別係烤羊😱。一開始當然要叫小食，雞翼係基本野，佢地個炸雞翼炸得乾身，但唔會油同埋硬，同埋雞翼好大粒，份量好多，幾好味。我好鍾意佢個烤羊，烤得好嫩，無乜羊肉蘇味，仲要好多汁。個店員好搞笑，我地食完之後，佢經過望到，然後問我地好唔好食，我地話好好食，佢好自豪咁講：我烤既。🤣🤣仲一直以為佢係店員。因為堅持要食綠色蔬菜，但印度菜既蔬菜選擇唔多，呢個山葵masala已經係少數之一，我地點左，食完覺得好味，佢個汁仲可以撈飯或者用黎點naan，可以一試。自從跟左一個朋友食堅果naan之後就返唔到轉到，其實話堅果，入面都唔係有食到呢類野，不過佢就有好多椰絲，係有少少甜既（利申平時唔太食甜野，呢個係輕甜），可以單食又得，撈汁都好夾。我地仲叫左椰青，好fresh，呢間黎到九龍城可以一試。