影片
更多
2021-12-18
101 瀏覽
天橋嗰一段路其實滿佈餐廳，不過反而唔算好多糖水舖，所以見到門面幾靚環境好似幾舒服就入咗去試下。一入到去就見到玻璃牆上畫滿晒手繪漫畫，係鬼滅之刃嘅禰豆子和炎柱大哥😍👓椰皇燉蛋白 $50係一個好滋補嘅甜品尤其冬天食超正暖笠笠，蛋白好滑有淡淡椰皇嘅清幽，好滋潤嘅感覺，面頭保留咗少少椰皇水可以就咁飲，食完蛋白又可以刮埋啲椰皇肉，因為係燉過所以啲椰皇肉好容易刮而且好淋身容易食，我覺得依個價錢差唔多因為整體來講個份量都好大，兩個人share食係冇問題添。👓百利甜酒朱古力心太軟配水果 $55揀咗芝麻雪糕球，覺得有驚喜因為真係好香濃芝麻味，應該係咁多款味道之中最特別。心太軟方面係好濃朱古力味唔會太甜，面頭淋上朱古力醬帶有百利甜酒味甜甜的，好明顯有陣甜酒味，組合係幾得意嘅，不過覺得心太軟個皮可以焗得更香脆再增強返啲個外脆內軟嘅感覺👓麻薯窩夫-抹茶窩夫配百利甜酒朱古力$60窩夫可以選擇原味/朱古力/抹茶，自選口味雪糕球一個，配料亦有唔同選擇配上唔同價錢$50-60。有4塊窩夫即係等同於一個完整版嘅圓形窩夫，窩夫香脆嘅，入面真係有舊麻薯，所以個口感都幾得意入邊好軟糯。不過個窩夫唔係好明顯抹茶味，比較似原味帶
👓椰皇燉蛋白 $50係一個好滋補嘅甜品尤其冬天食超正暖笠笠，蛋白好滑有淡淡椰皇嘅清幽，好滋潤嘅感覺，面頭保留咗少少椰皇水可以就咁飲，食完蛋白又可以刮埋啲椰皇肉，因為係燉過所以啲椰皇肉好容易刮而且好淋身容易食，我覺得依個價錢差唔多因為整體來講個份量都好大，兩個人share食係冇問題添。
👓百利甜酒朱古力心太軟配水果 $55揀咗芝麻雪糕球，覺得有驚喜因為真係好香濃芝麻味，應該係咁多款味道之中最特別。心太軟方面係好濃朱古力味唔會太甜，面頭淋上朱古力醬帶有百利甜酒味甜甜的，好明顯有陣甜酒味，組合係幾得意嘅，不過覺得心太軟個皮可以焗得更香脆再增強返啲個外脆內軟嘅感覺
👓麻薯窩夫-抹茶窩夫配百利甜酒朱古力$60窩夫可以選擇原味/朱古力/抹茶，自選口味雪糕球一個，配料亦有唔同選擇配上唔同價錢$50-60。有4塊窩夫即係等同於一個完整版嘅圓形窩夫，窩夫香脆嘅，入面真係有舊麻薯，所以個口感都幾得意入邊好軟糯。不過個窩夫唔係好明顯抹茶味，比較似原味帶少少少少抹茶，唔鍾意食抹茶嘅朋友應該都接受到🤣另附上百利甜酒朱古力醬由自己落，佢嗰醬係同上面個心太軟甜酒朱古力醬一樣的，所以覺得唔使重複叫兩個一樣嘅配料反而可以試吓其他唔同口味。
👓奶茶蛋糕$35出面玻璃櫥窗陳列唔同蛋糕例如有蘋果芝士、柚子芝士、抹茶芝士、朱古力蛋糕、意大利芝士蛋糕等等。其實價錢係有少少貴嘅因為一件蛋糕唔算好大件，都算係mini size。味道方面其實係重奶茶味，感覺輕盈唔會好多cream或食完好漏，不過有少少扣分因為實在偏甜🤣
👓百香果沙冰$35飲品其實可以加$15轉做套餐。見到飲品餐牌其實好多選擇有多款沙冰梳打等等。其實係有百香果味，不過沙冰啲冰粒可以再幼細啲，同埋佢唔係有奶嗰種smoothie，似刨冰嗰種沙冰，夏天嘅時候飲會正啲
張貼
