御家迴轉壽司

見到啲食評講到呢間餐廳好差咁, 但係其實我喺度食過幾次, 又覺得佢ok噃. 我主要貪呢度唔係咁多人, 而且坐得幾舒服. 服務方面都唔錯吖, 唔會叫極都無人理. 我地架車泊咗喺門口, 啲待應仲好醒目安排個橱窗位, 等我地可以望到架車.

點咗幾款sushi - 不過不失啦. 但係個和牛就比較失望, $22一件真係唔值(已經特價咗).
帆立貝刺身 - 好新鮮, 不過得三小粒.
軟殼蟹手巻 - ok
炸生蠔 - 太多炸粉, 不過生蠔幾新鮮
日式簿餅 - 呢個幾好味

呢度星期一至四有啲sushi割價, 比起出面平少少啦, 都可以算係抵食既.