極尚大喜屋 (加連威老道) (已結業)

每年五月份對我嚟講有一個明正言順可以勁食嘅理由...哈哈當然就係生日飯啦（特別係所有金牛人嘅至愛）！今年不止乎食食食...仲要係爆肚地食，因為而家市場上開多咗好多放題！但係質數超讒次，我食過係旺角近乎難食嘅店（食完屙咗就不開名了！）anyway今次都係朋友極力推介食依間.由於分兩輪關係所以就算訂咗位都要企街道等，還好當晚無落雨而且指示尚算清晰不然就頗狼狽！單係今個月都食過極尚大喜屋＆大喜屋（見另一篇食評）所以可以比較到分別。如果對於一個平時少食放題或者又唔想浪費咗腰間少少少可用嘅空位的話就一定食極尚版（雖然貴少少），因為無論係食物種類、質數、裝修、環境都較優勝！先講menu雖則係一大疊紙但係就一本簿仔非常清楚易揾，依個要讚的（起碼方便食客）！鐘意刺身、壽司嘅粉絲們必定大讚，因為選擇多：牡丹蝦、甜蝦、帶子、赤貝、象拔蚌...唔知是否新鮮但上檯賣相夠靚（對於我依啲相機食先嘅人嚟講好重要喔～），壽司花款亦算多！熱食最估唔到有蟹粥、木糠布甸（當晚無供應，失望）、燒菠蘿、蕃薯仔簡直係食完再食！最驚喜係沙律，一般放題都係兩種選擇但我無錯依度有成5-6種而最得我心係柚子沙律酸酸地好開胃、意式黑松露帶