影片
更多
2016-06-02
876 瀏覽
銅鑼灣話就話好多餐廳，但其實揀嚟揀到都揀唔到。見雜誌係咁介紹呢間尚鮮日式燒肉，結果就去試咗試。佢門口都幾隱閉，我6點半去到都差唔多滿坐，卡位都好闊，好彩唔係坐吧枱。一坐底，侍應就放低一個燒肉併盤同埋刺身船，刺身比我想像中多選擇，都幾新鮮，唔錯（星期一至四：268/人）。食完就開始瘋狂叫嘢食，結果畀佢啲海鮮系列吸引咗，加錢叫咗個二人海鮮和牛盛合（$198），其實都幾抵食，一個盛盒有４隻蠔、兩隻大扇貝、兩隻鮑魚、兩隻大蝦、仲有兩款和牛。海鮮類真心好新鮮，扇貝燒完都無乜點縮水，依然好大隻，大蝦就好爽口。燒蠔都唔錯，好有鮮味，不過要小心燒得太熟縮水。和牛其實都好好食，不過都被海鮮比下去，呢set嘢200蚊性價比超高。另外想讚吓啲壽司，嚿飯超級細嚿，包你唔會食滯，同埋重點係，有赤貝！之後侍應仲介紹我地試蒜香牛油龍蝦尾（$128），100蚊左右有兩條開邊龍蝦尾。蒜蓉牛油好惹味，又夠彈牙，都唔錯。 其實出面仲有嘢飲甜品任拎，又有天婦羅炸物等等。不過我地呢啲食肉獸都係繼續密密燒。仲有一樣估你唔到，豬腸都好好味，燒到個皮脆脆地，再剪開慢慢食，如果唔係怕肥應該會繼續encore。最後當然唔少得movenp
銅鑼灣話就話好多餐廳，但其實揀嚟揀到都揀唔到。見雜誌係咁介紹呢間尚鮮日式燒肉，結果就去試咗試。佢門口都幾隱閉，我6點半去到都差唔多滿坐，卡位都好闊，好彩唔係坐吧枱。
一坐底，侍應就放低一個燒肉併盤同埋刺身船，刺身比我想像中多選擇，都幾新鮮，唔錯（星期一至四：268/人）。
食完就開始瘋狂叫嘢食，結果畀佢啲海鮮系列吸引咗，加錢叫咗個二人海鮮和牛盛合（$198），其實都幾抵食，一個盛盒有４隻蠔、兩隻大扇貝、兩隻鮑魚、兩隻大蝦、仲有兩款和牛。
海鮮類真心好新鮮，扇貝燒完都無乜點縮水，依然好大隻，大蝦就好爽口。燒蠔都唔錯，好有鮮味，不過要小心燒得太熟縮水。和牛其實都好好食，不過都被海鮮比下去，呢set嘢200蚊性價比超高。
另外想讚吓啲壽司，嚿飯超級細嚿，包你唔會食滯，同埋重點係，有赤貝！
之後侍應仲介紹我地試蒜香牛油龍蝦尾（$128），100蚊左右有兩條開邊龍蝦尾。蒜蓉牛油好惹味，又夠彈牙，都唔錯。
其實出面仲有嘢飲甜品任拎，又有天婦羅炸物等等。不過我地呢啲食肉獸都係繼續密密燒。
仲有一樣估你唔到，豬腸都好好味，燒到個皮脆脆地，再剪開慢慢食，如果唔係怕肥應該會繼續encore。
最後當然唔少得movenpick！食雲呢拿味是常識吧～
張貼
