Simplylife The East The West (已結業)

今次係第二次幫襯該大集團旗下此品牌。 記得第一次幫襯係幾年前九龍塘分店，印象非常良好。事隔咁耐係唔係質數依舊呢？ 食物：甘筍忌廉湯甘筍味超濃郁，味道一流。但有輕微過“杰”。軟殼蟹米紙卷軟殼蟹係即炸的， 熱辣辣脆卜卜， 配埋帶微酸既醬汁，一口一件。好好食。串燒醃料剛剛好。肉質唔會好鞋。馬沙文咖哩牛腩牛腩好淋。醬汁好惹味。配薄餅食一流。雜香腸蕃茄 Homemade 意粉有點失望。 Homemade 唔等於好，呢款意粉完全無彈性。醬汁亦過份稀薄，完全唔“掛”意粉。環境：超高樓底。位與位之間尚算闊落。用開放式廚房，但無太多油煙。服務：正常。不過不失。整體好食，價錢算係合理。可以再幫襯。