銀座梅林 (已結業)

睇完 "飲食XX" 介紹，即刻和友人黎試下呢間日本有名吉列豬扒店。下午3點黎到，依然要等位，令我好期待! 打開 menu 睇，發覺選擇不算多，價錢亦是百多元一個 set。我點了吉列豬扒定食，朋友就點了滑蛋吉列豬柳飯。吉列豬扒定食只算隔離台可以，外皮好鬆化，但肉質比較乾，而且比較多肥肉 (1/3是肥肉)。隔離台同埋 order 吉列豬扒定食的小姐更要求更加換，因為件豬扒一半以上是肥肉。咬入口時感覺重係比較多油，未至油淋淋，但吸乾少d油才上台會比較好。另外，白飯及沙律菜是可以 refill的，但每次加的份量比較少 (只係位於世貿的吉列豬扒店既1/3份量)，叫了兩次 refill 菜後，都唔好意思叫第三次。朋友的滑蛋吉列豬柳飯，豬柳出奇咁好味，而且豬柳夠厚身，又淋。個 set 要大約 $130，跟餐既無沙律菜，飯的份量亦比較少。總括，個人比較喜歡世貿的吉列豬扒店，雖然要等位、價錢亦比較貴，但豬扒真係做得出色d。值得一讚是服務態度，非常好。